Veur ‘t driede jaor al helpe de Vlemkes bie de organizaase van de aöpening van ‘t vastelaovessezoen. Veer numme de organizaase veur ‘t kènjer-pregram veur ozze rekening. Ouch dit jaor zeen veer weier van de partie!
Äöpening sezoen kump d’r aan!
‘T wiebelt, ’t kriebelt, ich waazel, daazel raazel op mien bein … de vastelaoveskriebels gaon beginne!
Op 14 november is ’t zo wiet: de äöpening van ’t vastelaovessezoen oppe mert in Zitterd. Sjtadsvastelaovesvereiniging de Marotte organiseiert in saamewirking met Horeca Mert de äöpening van ’t sezoen. Ouch dit jaor belaof ’t weier een gelaeg veur ’t ganse gezin te waere.
Sjpisjaal veur de kènjer zeen d’r sjpèlle, ein sjprèngkusse, sjminke en ein ballonclown dae rondj löp om veur alle kènjer ein sjoon ballonnefiguur te knoupe. De Zittesj basissjoole gooje zich in de boch en zènge mit hun vastelaovesidool, de maedjes van Swentibold danse de sjterre van d’n hemel op ein nuuje vastelaovesmix gemaak door ozze sjtadsprins Wouter I op ein sjpisjaal versie van “ ’t eesjte muulke” oet 1979.
‘T program besjteit ónger angere oet dees artiste: Fabrizio, Big Benny, Toddezèk en Kartoesj. Hermenie St. Joseph kump de middig oploestere mit sjoon vastelaovesleidjes en de nuuje Marotte-cd wurt geprizzenteierd.
Dit wilt geer toch neit misse? Dans dan mit òs mit ’t
nuuje vastelaovessezoen in op de 14e van de 11e..!