2011 ‘Mit de vastelaovend wurt Facebook Feesbouk!’
’T Ganse jaor kènne luuj allein nog mer mit ein kalle via sociale media. Mit de vastelaovend trèkke veer de luuj mit nao boete om ‘t vastelaovesfees te viere. Veer verangere dan ouch FACEBOOK in FEESBOUK. Viert Geer ’t feeske mit?
2010 ‘Plastic Heroes’
Saer 2009 zamelt de gemeinte Zitterd kunstsjtof aafval gesjeije in ónger de kampanjenaam ‘Plastic Heroes’. De Vlemkes drage gaer ein sjteinke bie aan dit initiatief en verplaatsje zich in de rol van ‘Plastic Heroes’. Ze perbeiere in dees optoch ’t plastic biejein te zamele. Daobie gaon ze wiejer es dat geer dènk! Dus kiek oet veur uch plastic brille, bankpasse, croc’s, horloges en sierade. Veur geer ’t wit höbbe De Vlemkes dit gerecycled tot ein sjoon plastic rökske of höbbe ze zich dao ’t gezich mit laote biewirke!
2009 ’Op zuik nao de prinses ……’
Mit Ramón I es prins sjtaon de Vlemkes in vuur en vlam
Sjus wie de zuiktochten nao de musicalsterren Evita en Joseph, geit prins Ramón I op zuik nao zien prinses. De Vlemkes zulle zich prisenteiere es prinsesse omdat ze mer al te gaer aan de handj van de prins vastelaovend wille viere. De vraog is natuurlik: welk Vlemke wurt DE prinses van prins Ramón I? Welk Vlemke zal ziene hoogheid keize?
2008 ‘Dees Vlemkes zeen neit te blusse …!’
