Wie ich nog ein maedje waor van ein jaor of zös, zóng ich gaer vastelaovesleidjes saame mit mien bruierke Bas(je). In òs repertoire zoute leidjes wie: “De kanarie”, “Sjeng”, de knaller “Nao veure Fortuna” en mien eeuwige favoriet “Oukouk”. Kompleet mit gruine bril en kammezäölke sjtónge veer in de woonkamer te zènge veur de pap, de mam, d’n hòndj en de parkiet.
Zo woort de vastelaovend mit de paplaepel ingegaeve en deige veer uiteraard ouch mit aan de kènjeroptochte. Allewiele perbeier ich es leerkrach oppe basissjool SBO de Horst te Ech de kènjer de vastelaovend mit te gaeve en zo de tradieses op sjool laevend te hauwte.
Mit de vastelaovend 2005 leerde ich, mit ein apfelkorn in de handj, miene prins Paul I kènne in kafee “Bloem”. Waat begoosj es “puur natuur” gemèngk mit ein bietje “eelènj” gruide oet tot get sjoons! Veer woone al eine ganse tied saame in de “nuuje Baandert”.
En zo sjtaon ich noe, 20 jaor later es groot maedje, nog ummer leidjes te zènge. Neit mee mit Bas mer noe mit Paul.
“De kanarie” en “Oukouk” zeen nog ummer hetzelfde!
Knoevel,
Anne