Ich ben Audrey Langeslag, gebaore op 1 fibberwaari 1983 te Zitterd.
Op ‘t moment wirk ich in ‘t Atrium Krankehoes in Haelder es
verpleegkundige oppe hart oftewaal kardiologie aafdeiling. Vool luuj
kenne v’r dao helpe, behauve die mit ein gebraoke hertje…
In mien vrieje tied geneit ich vool van meziek loestere, duuke, de
vastelaovend, veul plezeier maake mit de Vlemkes en wie kent ‘t ouch
angesj… winkele.
Momenteel woon ich op ‘t Kirkplein aan de groote kirk in Zitterd en
ben offesjeel ‘verloof’ mit Ruud Meuwissen, messjien baeter bekend es
sjtadsprins 2003. (Nae hae haet gein wit paerd en hilt ouch neit van
paerdrieje…) Wie dan ouch, nao ein kennis maaking in de trein nao
sjool -11 jaor geleeje-, gaon v’r in de zomer van 2011 trouwe!
‘t Is neit gemekkelik om get euver mien perseunlikheid te sjrieve. Es
ich aevel nao michzelf kiek zou ich michzelf wille omschrieve es ein
pittige tant die heel duudelik leet merke wat ze vindj mer tegeliek
ouch erg leifdevol en behulpzaam is. Betroebaar en staon altied veur
familiej en vrunj klaor. Mien levesmotto is dan ouch; Waardeier de
sjoon momente. Wiejer ben ich eigelik waal ein sjloktuut en venj eigelijk alles
lekker, es ‘t mer zuit is.
Vastelaovend venj ich een geweldige tied, ich geneit dan van de
gezelligheid, ‘t saame zeen. Favouriet leidje ‘t Haw zo sjoon kinne
zeen’. Dit neit allein omdat ‘t leidje vinj ich prachtig nommer venj
mer ouch omdat in dat jaor Ruud Marotte prins waor.
Owja! Mien sjoonste Zittesje woord: “Verpopzak” Jaomer dat me ‘t neit
mee zo deks heurt…
