Ich bin Lotte Gijsen, ein maedje van 26 jaor, gebaore en getoge in Zitterd en vanaaf ’t eesjte moment lid van de Vlemkes! Door de waek wirk ich angerhaove daag es logopediste in ’t Speciaal Ongerwies oppe Parksjool in Zitterd en höb ich dao naeve ein eige logopediepraktijk in Zitterd en in jaowaal Kirchrao! In Zitterd bin ich ongerdael van ParaMedisch Centrum Sittard Zuid en vervul ich mien taak in ein Kinderteam. In Kerkrade wirk ich ouch in ein centrum genaamd Medisch Centrum de Linde. Ich wirk vaol mit kenjer, maar ouch volwassenen zitte geregeld bie mich oppe sjtool.
Naast mien wirk bin ich ein richtige diva die natuurlik verzot is op winkele! ’t Is zelfs zo erg dat ich thoes neit mien eige walk-in-closet höb, maar mien eige walk-in-room.. AAAAAHH!! Sjoon, kettinskes, kleidjes, rokskes en tesje dao ken ich niet genog van kriege.. Ich ving ’t dan ouch heerlik om toes gezellig samen mit get maedjes te tutte! Lekker bie elkaar de nagels lakke, de haore in gekke kapsels doon en zoals ’t ein richtige diva betaamt bin ich weg van glitter en glamour! Volledig opgetut gaon veer dan gezellig de sjtad in om ein of meё!! drenkskes te daon. Ich zik maar ummer; Geneit van ’t laeve, zolang es te kens’!
In 2007 bin ich lid gewaore van ‘de Vlemkes’ waar veer mit ein gezellige maedjesgrόp os steenke biedrage aan de Zittesje v
astelaovend. Zo helpe veer onger angere mit bie de organizaase en oetveuring van ‘Aopening sezoen’, doon veer mithelpe bie de kenjerzitting, roupe veer ’t Kaffeeke mit ’t sjoonst geseierde dames wc’ke oet en gaon veer samen nao zittingen, waovan ich de Vrouluujzitting ein van de leukste ving! D’n daag van de Grote Optoch ving ich toch waal ummer ‘t meest fantastisch. Ich vinj dit toch altied weier ein speciale daag dae veur mich richtige vasteloavend betekent. Waeke zeen veer bezig mit de veurbereidingen veur deze daag en ich ving ’t heerlik om dan in d’n optoch te straale en te kenne zegge:
‘t-Is vandaag unne daag,
Dae veur ôs en ôg dreej döbbel diek is geslaag.
Want al ut gooje kump vandaag veur d’n daag.
Strakkes lekker nao bed.
Oétgeslaope, auge aope en opgelet..
De niejen daag dae wuurt nog vetter dan vet,
De vastelaovend is veur ôs je van het!!!! JAAAAAAAAAAAAAAA!!!!
Lotte