Beste allemaol,
Gaer wil ich mich effe veursjtelle. Mein naam is Marjolein Gelissen en saer ut sezoen 2008-2009 bèn ich lid van de Vlemkes. Mich werd gevraog of ich de Vlemkes mesjien koosj ongersjteune bie de veurbereidinge van de versjillende optraeë. En eigelik bèn ich daona0 d’rbie gebleve.. Tja dat krigs ze wienee in ein gezellig klup mit vrouluuj kumps die alleney van vastelaovend veiere hauwte!
Naeve lid zeen van de Vlemkes höb ich vanzelfsjprekend ouch angere hobbies. Zo dans ich al jaore en zing ich ouch gaer. Ouch gaon ich gaer nao de sjouwburg. Veural musicals zeen mein favouriet, mer bei Jochem Meijer kens men mich ouch dèks venje. In ut dagelijks laeve ben ich leerkrach in ut basisongerwies. Momenteel staon ich in Puth aan veur de klas op bs. Petrus Canisius. Hie ben ich dit jaor gestart mit grópje drie. Naeve mien wirk in u
t ongerwies höb ich ouch nog ein opleiding gevolg veur Bewegingsexpressie (dans, drama, beweging). Dees höb ich veurige joar mit sukses aafgerond . Tja, ich mot toch get höbbe om mich mit bezig te hauwte… veural es vriegezelle meid! Ouch hauwt ich van lekker mit vriendinnen nao de bioscoop of get gaon aete. Kalle ken ich ouch gout, gezellig op ut terras of toes oppe bank. Sjtappe doon ich veural mit de vastelaovend.
Gaer mot mich dan waal gout zuike, ich hauwt naamelik van pruiken en sjmink. Mer mesjien komme veer os urges taege en dan dreinke veer os eine!
Marjolein