De Vlemkes

Sjteun De Vlemkes mit de Rabobank Clubkas

jtimmers — Fri, 06 Apr 2012 19:47:10 +0000

Sjteun ós mit de Rabobank Clubkas. Geer kènt vanaaf 11 april sjtömme op de Vlemkes!

Eere-pries mit “Veer breie d’n Optoch aanein”

jtimmers — Mon, 20 Feb 2012 10:33:42 +0000

Kènjerzitting

jtimmers — Sun, 05 Feb 2012 10:37:47 +0000

Vandaag is ’t weier zo wiet, de Kènjerzitting van de Marotte Zitterd. De middag sjtart om 14.00 oere in de zaal van fanfare Sint Jan in Leyebrouk. Veer Vlemkes zeen ouch weier van de pertie! ’t Thema van de zitting is Piratefestijn, dus es geer ós zuik ,mót geer oetkieke nao Vlemkes-pirate Veer gaon perbeiere d’r weier een gesjlaag fees van te make!

Kènjerhouk mit Äöpening Vastelaovessezoen groot sukses

jtimmers — Thu, 24 Nov 2011 21:06:31 +0000

Kènjerhouk mit Äöpening Vastelaovessezoen groot sukses

Ouch dit jaor höbbe veer Vlemkes weier de kènjerhouk georganiseierd. Kènjer van alle laeftieje ware wilkóm om sjpelkes te sjpele, zo wie Blikke gooie, Darte en Sjoele. Mer de kènjer koosjte zich ouch laote Schminke en bie de Ballonclown ein sjoon ballonfiguur laote make.

Veer höbbe ós in jeder geval gout geammeseierd en haope dat alle kènjer ’t ouch ein gesjlaagde äöpening van ’t sezoen vónje!

Klik hie veur foto’s van deze gezèllige daag in de Kènjerhouk!

Äöpening sezoen kump d’r weier aan!

jtimmers — Wed, 02 Nov 2011 16:55:55 +0000

Op 13 november is ’t zo wiet: de Äöpening van ’t Vastelaovessezoen oppe mert in Zitterd. Ouch dit jaor belaof ’t weier ein gelaeg veur ’t ganse gezin te waere. Same mit de Marotte en Horeca Mert, verzörge de Vlemkes ein deil van ’t programma.

Sjpisjaal veur de kènjer zeen d’r sjpèlle, laot dich ein sjoon maske sjminke, eine kreatieve houk en eine ballonclown dae rondj löp om veur alle kènjer ein ballonnefiguur te knuipe. De Zittesje basissjoole gooje zich in de boch en zènge mit hun vastelaovesidool, de maedjes van Swentibold danse de sjterre van d’n hemel.

‘T program besjteit ónger angere oet dees artiste: W-Dreej, Big Benny, Kartoesj en Paul-Jean Jessen. De nuuje Marotte-cd wurt geprizzenteierd. Dit wilt geer toch neit misse?

Veer zeen òs mit ’t nuuje vastelaovessezoen op de 13e van de 11e..!

Keuningin Natalie

jtimmers — Tue, 06 Sep 2011 18:42:43 +0000

Aafgeloupe weekend woort veur de 37e keer ’t Alternatief Sjöttefees in Zitterd gehawte. En dit jaor ware ouch de Vlemkes geneut om mit te sjeite. En dat laote veer ós natuurlik gein twee maol zègge! Omdat veer dit jaor nog gein keuningin hawe, zeen veer mer alleney es Keuningin gegange. Mit sjoon kleiaasj en krone höbbe veer ós geprizzenteierd aan Keizer Joepius en de rest van de luuj aan de kantj.

Nao eine sjnelle sjtart mit sjeite ware veer toch de lètste die de vogel höbbe aafgesjaote.. En wae haet bie ós de vogel aafgesjaote? Dat waar Vlemke Natalie! Of ja, eigenlik motte veer noe zègge: Keuningin Natalie.

Alternatief Sjöttefees

jtimmers — Fri, 26 Aug 2011 18:18:52 +0000

Nog effekes en dan wurt weier ’t alternatief sjöttefees in Zitterd gehawte. En de Vlemkes zeen geneut om dit jaor mit te sjeite. En dus waere veer volgende maondj Keuninklik Om alvas te oefene, zeen veer in de leer gegange bie ós eige Royals… Ouch höbbe veer al aan sjpesjiaal kleiaasj gedach. ‘t Resultaat kènt geer zeen mit ’t sjöttefees op zondig 4 september…