D’n auto sjtart neit, de fits sjteit plat
D’n hondj wilt neit pisse, doe höbst ’t gehad
D’r brent get aan en de mam kump aete
Doe höbs van de pap de verjoardig vergaete
Es’t Vlemke, ’t Vlemke mer brent
Es ’t Vlemke mer brent.
De post brèngk ein bon veur hèl rieje
De kael wirk euver, niks te vrieje
De goudvusj verzaope. de kat is pleite
’t haor zit neit goud, om op te sjeite
Es’t Vlemke, ’t Vlemke mer brent
Es ’t Vlemke mer brent.
D’r zeen van die daag, die zeen neit te verdraage
Dan denk ich, kom op, want ich höb niks te klaage
Want ich bèn ein Vlemke, mit vuur in de prie
Ich laot mich neit kènne, maak sjpas en bèn blie!
……………. Es ’t Vlemke mer brent.
Belastingbreif, ich mot nog betaale
Ein hak van mien sjoon, dat is ech baale
De gell is op, ein nagel gebraoke
bèn mit de panty aan de fits blieve haoke
Es’t Vlemke, ’t Vlemke mer brent
Es ’t Vlemke mer brent.
D’r zeen van die daag, die zeen neit te verdraage
Dan denk ich, kom op, want ich höb niks te klaage
Want ich bèn ein Vlemke, mit vuur in de prie
Ich laot mich neit kènne, maak sjpas en bèn blie!
……………. Es ’t Vlemke mer brent.
Tekst: Sjef Weijman