(Melodie: These boots are made for walking)
Doe zaes ummer, daste geine zin höbs
ummer muig, dan ligks dich oppe bank
Doe zaes ummer: laot mich effe ruste
mer effe doert bie dich soms heel erg lànk
waat bès dich veur ein mènke,
zo muig en oetgeblös
ich mis bie dich dat vlemke en dat maak mich ongerös
’s Mörges luipst doe al metein te gaape
Zitst te sjlaope baove dien gezet
Kumpste ’s aoves thoes dan geit dat wieër
Doe pits al veurste höbs geraak dien bed.
Ich krieg langzaam de kriebels,
Doe sjleeps gewuin rechtop
Wie houd ich dich noe wakker, nae dien vorm is neit echt top.
Gans ’t jaor echt neit veuroet te brenne
Doe bes laam, gaaroets gein energie
Doe zaes dat ’t ooit nog waal zal wenne
Dus neit! Vergaet ‘t, mit zo’n gekke prie
Ich sjmiet mich in de sjpass man,
Lègk doe dich mer weier plat
Want ich vier Vastelaovend drie daag langk in os sjoon sjtad.
Doe zaes ummer, daste geine zin höbs
ummer muig, dan ligks dich oppe bank
Doe zaes ummer: laot mich effe ruste
mer effe doert bie dich soms heel erg lànk
waat bès dich veur ein mènke,
zo muig en oetgeblös
ich mis bie dich dat vlemke en dat maak mich ongerös
Tekst: Sjef Weijman