Ós Bruudjes Anne & Audrey
26-08-2011
‘T is uch natuurlik neit ontgange dat de Vlemkes Anne & Audrey deze zomer ein volmondig JAO zouwe gaon zègge!
Anne taege häöre Prins Paul I en Audrey taege Prins Ruud I. En zo wie ’t heurt waar ‘t veur beide köppelkes einen daag om noojts te vergaete.
Anne en Paul zeen op zaoterdig 2 juli getrouwd in ‘t Mariapark mit ’s aoves een sjiek fees op Kasteel Elsloo.
Audrey & Ruud höbbe aafgelaope waek op zaoterdig 20 augustus Jao taegenein gezag.. En waal 2 keer. De eesjte keer op ’t Sjtadhoes en daonao nog eine keer in de Grote Kirk van Zitterd. ’t Fees höbbe ze thoes bie de pap en mam van Ruud gehawte.
’t Waare 2 sjoon daag die ouch veer Vlemkes niet sjnel zulle vergaete! Anne & Paul en Audrey & Ruud, veer wunsje uch nogmaals heel väöl gelök en leifde toe en veer haope dat geer nog lang gelökkig mit ein zult zeen!
Vrie Gezèllig Fees.. Part 2
26-08-2011
Neit allein ós Vlemke Anne haet ein vriegezèllefees gehad, mer ouch veur ós kleinste Vlemke Audrey haet Joyce G. eine leuk feeske gepland. Róndj 11 oere zeen veer Audrey thoes gaon verrasje.. Ruud waar natuurlik op de heugte en heat alles gefilmp zodat veer ’t later nog ens kènne bekieke.De eesjte sjtóp waar bie Societea veur ‘ne High Tea, zodat veer ‘ne gouwe baom zouwe höbbe veur de drank dae ouch op dezen daag weier riekelik woort gesjónke. Wieër höbbe veer get sjpelkes gesjpeeld, eine sjminkcursus gedaon en höbbe veer zelf taarte en cupcakes gemaak. En sjoon dat ze zeen gewaore!!!
Om den daag aaf te sjloete zeen veer nog lekker Tapas gaon aete bie Ich & Dich en höbbe veer de sjtad onveilig gemaak.
Ouch dit feeske waar weier zeer gesjlaag en waar eigenlik ouch weier zo veurbie.. Mer veer motte mer zo dènke, d’r zeen nog genóg Vlemkes die kènne gaon trouwe …
Weier ‘ne wissel
17-08-2011
D’r haet weier ‘ne wissel plaatsj gevónje bènne de Vlemkes.. Joyce G. haet oze website ’t aafgeloupe jaor mit plezeier gevöld, mer vanaaf noe geit Joyce T. dees verheve taak op zich numme.
Joyce G… bedank veur dien biedrage!
Hawt deze site gout in de gate veur ’t lèste nuuts euver de Vlemkes. En es geer nog tips höb veur de site heure veer dat gaer!
Vrie Gezèllig Fees..
27-06-2011
Veer höbbe ein bruudje..! Ja, twee eigelik.. Mer veur bruudje Anne kump de grote daag sjnel korterbiej. 2 juli 2011 geit ’t gebeure.. Dan trouwt Anne häöre Prins Paul I.. En veuraafgaond aan zo’n trouwfeeske, mót ’t veurbieje vriegezèllelaeve gevierd waere..! 
Aafgeloupe vriedig 3 juni 2011 höbbe veer Anne verrasj mit eine fien verzörgde brunch oppe Schwienswei in Zitterd.. Lekker mit de vuitjes in ’t graas breudjes aete en Prosecco drènke..!
Eine wórksjop Teenslippers Pimpe volgde en jao, veer zouwe de Vlemkes niet zeen es veer veer daonao neit eine gout verzörgde Prosecco/Wienpreuverie zouwe höbbe georganiseierd..
Althans, Vlemke Joyce Gijsen haet dit veur Anne gedaon, same mit ein anger gouw vriendin van Anne.. Die wiste vanzelfsjpraekend waal womit zie Anne bliej koosjte make..!
Hoogtepunt waar de Salsadans-wórksjop bij Schtad Zitterd baove, gevolg door ein fien Feesmaol bij Schtad Zitterd oppe mert.. De Rosé vloeide wie eine rooien draod door d’n daag en aovend en veer höbbe optimaal genaote en plezeier gemaak!
Mit ein gerös hart gaeve veer Anne noe aaf aan Prins Paul I, mer Paul, ónger ein veurwaarde.. Dat veer Anne nog gans dèks van dich mage lene om dae Vriegezèlle-aovend nog èns euver te doon!
Zeipkisterace 2011
08-06-2011
Zondig 5 juni waar ‘t weier “vlammen” biej de driejde zeipkiste race! Veer waare ouch dit jaor weier van de partie om eine gouwe tied neer te zette. Neit allein het mitdoen waar weier super, maar ouch de kreativiteit van de angere deilnummersj waar sjoon om te zeen.
Zo waar der eine richtige badeinj, eine venitiaanse gondel, eine sjwaore tank, en meerdere supersjnelle zeipkiste te zeen. Zelf hauwe veer de zelfde zeipkist es veurig jaor, (De Vlemkes sjlip(kes) door de boch) en dat waar mer gout ouch! biej de eesjte mansj sjlipte veer dan ouch daadwerkelijk door boch. Veer dames bleeve aevel mit de zeipkist nog gout euvereind!
Mer sjus wie veer ozze beste tied wolle neerzette kom het treurige nuuts dat het geweldige evenement om veiligheids redene woordt aafgelasj. Door ein aankommende onwaers en haagelbuuj vonj de organisaase t te geveerlijk om door te gaon. Sjus wie Park Kolderiek haet de sjtichting zeipkistenrace het juiste besloet genomme om het evenement veur dit jaor te stoppe, en nao de eesjte mansj aaf te vlagge.
Mer veer Vlemkes belaove volgend jaor weier paraat te staon mit ozze zeipkist en dit jaor dubbel en dik in te haole, went het is een geweldig evenement! Kiek hie veur ozze tied!
Grote Optoch
23-03-2011
Op zóndig 6 maart 2011 haet de sjoonste Optoch van Limburg weier door Zitterd getrókke! ‘T zunke sjeen op de deilnummesj neier en daodoor waar ’t ouch ein genot om mit te loupe. Veer ware vanzelfsjpraekend weier van de pertie!
’T Thema dit jaor waar: “Mit de Vastlaovend wurt Facebook, Feesbouk”!
De NOS haet de gansen Optoch gefilmp en Vlemke Anne vóng de aandach van de camera! Maondigmörge stóng Vlemke Marjolein op de veurpagina van de gezèt! Geen kent ós niet gemis höbbe.
Compleet mit sjoon gemaakde Feesbuiker oppe kop, leipe veer greutsj in d’n Optoch mit. De reacties van de toesjouwers langs de kantj ware geweldig. Op ein ludieke maneier höbbe de luuj gevraog om vrunj mit ós te waere op Facebook! Veur de foto’s die gedurende de Optoch zeen gemaak, kent geer kieke op oze Facebookpagina. Veer höbbe in jeder geval genaote!
En waat ’t nog spisjaler maakde, waar ’t feit dat veer veur de tweede maol in ‘t korte besjtaon van ós vereiniging eine pries höbbe gewonne..! Twee jaor geleëe höbbe veer mitgeloupe es de Prinsesse van Prins Ramon I, mit ’t thema “Op zuik nao de Prinses”. Toen hawe veer zelfs den tweede pries in de categorie kleine gróppe. En dit jaor hawe veer de driede preis! Jury bedank!
Volgend jaor zeen veer zeker weier van de pertie..! En noe höbbe veer natuurlijk eine eer hoog te hawte..!
Kafeeke mit ‘t sjoonst geseierde wc-ke
15-03-2011
Jaomer genóg deige d’r dit jaor mer veier kafeekes mit 
mit de zuiktoch nao ’t sjoonst geseierde WC-ke van Zitterd.
Toch zeen d’r mee es 400 stömme oetgebrach.
De winnaar van 2011 is gewore: ‘t Sjterfhoes!
Veer wille alle kasteleins bedanke veur ’t mitdoon en
vanzelfsjpraekend Servé feliciteiere mit de euverwinning!
Correctie!
15-03-2011
Eerder woort op deze site vermeldj dat Audrey ’t eesjte Vlemke is dat in ’t huwelijksbeutje sjtap… mèr dit is neit waor! Ouch Paul Ruigt is entjelik op zien kneie gegange en Anne koosj die geweldige vraog natuurlik ènkel mit JAO beantjwoorde! Veer höbbe dit jaor dus mer leifs twee broelofte. Anne & Paul trouwe in juli en Audrey & Ruud in augustus 2011. Beide sjtèlkes wunsje veer väöl sukses, mèr veural plezeier in de veurbereidinge.
Véér höbbe d’r in jeder geval väöl zin in!
Besjtuurswissel
15-03-2011
Missjien höb geer ’t al op de site gezeen, mèr bènne de Vlemkes haet d’r eine besjtuurswissel plaatsjgevónje. Vanaaf de sjtart van de vereiniging bèn ich mit väöl plezeier praeses gewaes van de Vlemkes. Toch vónj ich ’t noe tied om ‘t sjpraekwoordelijke sjtekske euver te drage. De nuuje praeses van de Vlemkes is Natalie Statnik.
Via deze waeg wil ich Natalie dan ouch väöl sukses en plezeier wunsje bie häör veurzittersjap.
Joyce G (ex-praeses)
De Vlemkes zeen zeer sosjiaal!
25-02-2011
Dat veer in ’t dagelijks laeve gans sosjaal zeen wós geer missjien waal, mer veer zeen noe ouch aktief mit Sosjal Media! Dao bedoele veer natuurlijk Hyves, Twitter en Facebook mit.
Dus wilt geer op de heugte zeen van de dagelijkse Vlemkes-aktiviteite, meldj uch dan noe aan op oze Vlemkes-Hyves en Facebook pagina en volg ós op Twitter!
Nuuj kleiaasj
Veer Vle
mkes zeen vanzelfsjpraekend op en top maedjes. Ver zeen neit vies van “shoppe” en ouch mit Vastelaovend doon veer dat gaer. Ein fiene outfit veur de WC-activiteit mer ouch veur de Grote Optoch. Vanaaf dit seizoen höbbe veer ouch prachtige sjluppe-jeskes veur angere spisjale act
iviteite. Zo wit geer ós ummer te herkenne. Dees jeskes zeen der neit zomèr gekomme. Onger wakend oug van sjponsor ‘Van Neer Eyckeler’ zeen der gans get jeskes gepas. Nao lang zuike höbbe ze bie Van Neer Eyckeler ein prins(es)waardig jeske veur ós gevonje. Jao, ouch Wouter maag hie sjloes op zeen. En dao moosj vanzelfsjpraekend op gedronke waere. Veur de sjtart van de kènjeroptoch van dit jaor höbbe veer same mit Arndt van Van Neer gedronke op ein vruchbare samewirking. Want vruchbaar waar dae zeker: ein nuuj “vlemkes jeske” is gebaore!
Groot nuuts!
Os kleinste Vlemkes geit trouwe!
11 jaor zeen ze al saame en nao lang wachte haet Ruud zien maedje op grote heugte gevraog. Audrey haet vanzelfsjpraekend jao gezag en zal de eesjte van de vereiniging zeen dae in ‘t huweliks beutje sjtap.
Audrey & Ruud: Perfiesiat! Veer wunsje uch heel vööl gelök saame! En vööl plezeier bie alle veurbereidingen veur de broelof!
Wilkom op oze nuuje website!
Vanaaf vandaag kent geer alles venje op deeze site euver de Vlemkes! Gaer wille veer Ermeco bedanke veur de nuuje site, zònger Rene en Ruud zoue veer noe neit zo’n sjoone nuuje site höbbe!
Boete ‘t nuuje uterlik van de site, is hae vanaaf noe ouch in het Zittesj. Waat veur ‘t Vlemke dat de site mót biehauwte toch veur get gries haore zörg. Wilt gaer weite wae van os noe verantjwoordelik is veur de tekste oppe site, kiek nao ozze köp en geer kènt ‘t zelf bedènke!
Toch wille veer uch gaer vraoge om ozze sjrieffoute door de vingesj te zeen en os dit neit kaolik te numme.
Veer doon os bes!
Veer zeen altied op zuik nao get nuuts veur op ozze site, dus es geer get wit, heure veer dat gaer!
Sjik ’t nao info@devlemkes.nl en misjiens zuut geer eur eige sjtök online!
Vööl laesplezeier!
De Vlemkes